Në Selanik është konfirmuar rasti i parë me virusin HMPV, raportojnë mediat nga Greqia, shkruan 04 Online.
Rasti është regjistruar tek një 71-vjeçar, i cili filloi të shfaqë simptoma pas kthimit të vajzës së tij nga Kina, ku ajo kishte udhëtuar gjatë festave të fundvitit. Pas shfaqjes së simptomave, 71-vjeçari fillimisht u trajtua në një klinikë private dhe më pas, më 3 janar, u shtrua në spitalin Papanikolaou.
Testimi PCR i realizuar të shtunën tregoi se ai ishte pozitiv për metapneumovirusin (HMPV), i cili ka marrë formën e një pandemie në Kinë në javët e fundit. Ky virus është i njohur për mjekët, dhe tani priten deklaratat zyrtare të autoriteteve shëndetësore për hapat që do të merren më tej./04 Online
