Sulmuesi anglez Marcus Rashford mund të rikthehet te Manchester United pas përfundimit të huazimit të tij te FC Barcelona.
Sulmuesi 28-vjeçar aktualisht është pjesë e skuadrës katalanase në formë huazimi, por e ardhmja e tij mbetet e paqartë dhe ekziston mundësia që ai të rikthehet në “Old Trafford” pas përfundimit të marrëveshjes.
Në rast se Barcelona vendos të mos vazhdojë me Rashfordin, klubi katalanas tashmë po shqyrton alternativa në tregun e transferimeve. Një nga emrat që po monitorohet është anësori portugez Pedro Neto, i cili aktivizohet te Chelsea F.C..
Neto, 26 vjeç, vlerësohet për shpejtësinë dhe kreativitetin e tij në krahun ofensiv dhe shihet si një opsion i mundshëm për të forcuar repartin sulmues të Barcelonës nëse klubi vendos të mos e mbajë Rashfordin pas përfundimit të huazimit.
E ardhmja e të dy lojtarëve pritet të jetë një nga temat e merkatos së verës, me Barcelonën që po analizon disa opsione për të përforcuar repartin ofensiv.
