Për dallim nga viti i kaluar, aktiviteti “Dimri Kulturor” këtë vit është shumë më i organizuar.
Ardhja e Ramadan Tarashaj në krye të drejtorisë së Turizmit dhe Zhvillimit Ekonomik e ka dinamizuar këtë drejtori, e poashtu e ka bërë edhe më të pasur aktivitetin për nderë të festave të fundvitit.
Vendosja e shtëpizave në sheshin “Lidhja” ka një pamje absolutisht tjetër prej asaj vitin e kaluar që pati shumë kritika nga opozita, shoqëria civile, mediat dhe qytetarët. Këtë vit pos shtëpizave, edhe kushtet për operimin e bizneseve janë shumë më të mira, e poashtu edhe organizimet muzikore të cilat janë ndryshe nga tjetra çdo natë.
“Dimri Kulturor” është hapur më 28 Nëntor, me ç’rast në hapje patën interpretuar këngëtari Hekuran Krasniq, gëngëtarja Gili dhe Vjollca Haxhiu, për të vazhduar ditëve tjera me grupin muzikor “04 BAND”, këngëtarin Hysen Kafexhiu, Arben Bytyqi e shumë të tjerë.
Tarashaj, përveç aktivitetit të lartëpërmendur, ai ka dinamizuar në tërësi drejtorinë që e udhëheq, duke nisur disa projekte të reja me rëndësi për komunitetin./04 Online
