Ditë më parë 04 Online pati publikuar një prej shumë reagimeve të prindërve të nxënësve të ShMU “Hysen Rexhepi” rreth çështjes së ngrohjes në këtë shkollë.
Siç thuhej në reagimin e prindërve, në këtë shkollë mungonte ngrohja, teksa nxënësit kanë mbajtur mësim me orar të shkurtuar.
Si rrjedhojë, drejtoresha e kësaj shkolle, Lumnije Rakaj përmes një shkrimi në profilin e saj në ‘Facebook’ ka njoftuar se nga sot ka hyrë në funksion nxemja e re me pelet.
“Andaj mësimi nga kjo e hënë do të zhvillohet normalisht me orar të rregullt dhe me kushte optimale.”, thuhet në mes tjerash në njoftimin e Rakajt.
“Të dashur nxënës,
Shumë të respektuar prindër, KDSh, KP, dhe ju të nderuar mësimdhënës!
Ju njoftoj se në ShMU “Hysen Rexhepi”, sapo hyri në funksion nxemja e re me pelet.
Pas një pune intensive nga Kompania Euroing dhe angazhimit e përkushtimit të gjithësecilit nga ne, në veçanti kryetarit të Këshillit të Prindërve, i cili gjatë gjithë kohës i ka informuar prindërit z. Arben Krasniqi, u zgjidh problemi i ngrohjes.
Andaj mësimi nga kjo e hënë do të zhvillohet normalisht me orar të rregullt dhe me kushte optimale.
FALEMINDERIT PËR MIRËKUPTIMIN DHE BASHKËPUNIMIN PRINDËRVE QË JANË PARTNERËT TANË MË TË MIRË!”, thuhet në njoftimin e drejtoreshës të ShMU “Hysen Rexhepi”./04 Online
