Dane Diego është qeni më i madh në Londër. Për shkak të peshës së tij prej 95 kilogramësh dhe lartësisë 185 centimetra kur qëndron në këmbët e pasme, nuk është e vështirë të kuptohet pse shumëkush ia ka frikën.
Pronari i Diego-s, Carlos Da Silva thotë se e mori kafshën shtëpiake në vitin 2015. Ai ishte një qenush në atë kohë dhe Carlos nuk e dinte se ky vendim do t’i ndryshonte jetën.
Diego është bërë miku i tij më i mirë, i cili e shoqëron çdo ditë në punë, madje duke hipur me të në një motor.
Pronari krenar thotë se fëmijët shpesh dyshojnë se Diego është një lopë.
“Ai në fakt është një gjigant i butë. I pëlqen të përkëdhelet dhe të pushojë. Çmendet pak kur ndjen erën e ushqimit, por në përgjithësi është shumë i mirë”, përfundoi ai.
