Gjërat po shkojnë aq keq në fushëbeteje, saqë Putini dhe besnikët e tij tani po e riformulojnë atë që dikur kanë pretenduar se ishte “denazifikimi” i Ukrainës dhe mbrojtja e rusishtfolësve si luftë ekzistenciale kundër të gjithë Perëndimit “kolektiv”.
“E vërteta është në anën tonë dhe e vërteta është forca!”, u shpreh Vladimir Putin kur u shfaq në Sheshin e Kuq javën e kaluar, pas një ceremonie madhështore në të cilën i ka shpallur katër pjesë të mëdha të territorit ukrainas si pjesë të Rusisë. “Fitorja do të jetë e jona!”, përsëriti ai. Mirëpo në botën reale gjërat po duken shumë më ndryshe.
Edhe kur presidenti i Rusisë i nënshkroi traktatet e paligjshme të aneksimit në Kremlin, forcat ukrainase po përparonin brenda zonave që ai sapo i kishte pushtuar. Qindra mijëra burra kanë ikur nga Rusia në vend që të thirren për të luftuar në luftën që po vazhdon të zgjerohet.
Gjërat po shkojnë aq keq në fushëbeteje, saqë Putini dhe besnikët e tij tani po e riformulojnë atë që dikur kanë pretenduar se ishte “denazifikimi” i Ukrainës dhe mbrojtja e rusishtfolësve si luftë ekzistenciale kundër të gjithë Perëndimit “kolektiv”.
Kjo është e vërteta dhe asnjëra prej tyre nuk është në anën e Rusisë.
“Ai tashmë është në një rrugë qorre”. Duket se nuk po e sheh atë që po ndodh në të vërtetë”, ka theksuar redaktori i Riddle Russia, Anton Barbashin, për presidentin rus.
Ashtu si shumë të tjerë, analisti politik beson se Putini u kap plotësisht në befasi nga mbështetja e fortë perëndimore për Kievin, si dhe nga rezistenca e fortë e Ukrainës ndaj okupimit.
Ashtu si shumë të tjerë, analisti politik beson se Putini u befasua plotësisht nga mbështetja e fortë perëndimore për Kievin, si dhe nga rezistenca e ashpër e Ukrainës ndaj okupimit.
Teksa sot mbush 70 vjeç, pas më shumë se 20 vjetësh në pushtet, duket se lideri rus është bërë viktimë e sistemit të tij. Stili i tij autokratik po e pengon qasjen e tij në inteligjencën e shëndoshë.
“Nuk mund t’i vini në dyshim idetë e tij”, ka shpjeguar Tatyana Stanovaya, drejtuese e firmës së analizës R.Politik.
“Të gjithë ata që punojnë me Putinin e dinë pikëpamjen e tij për botën dhe Ukrainën, madje i dinë edhe pritshmëritë e tij. Ata nuk mund t’i japin informacione që bien ndesh me vizionin e tij. Kështu funksionon”.
Fjalimi i fundit i presidentit, i mbajtur nën llambadarët e praruar të Kremlinit, e ritheksoi vizionin e tij për rendin e ri botëror.
Ky përfshin një Rusi të fuqishme, një botë perëndimore që është detyruar të mësojë respekt dhe Kievi t’i nënshtrohet edhe një herë Moskës.
Për ta arritur këtë, Ukraina është fushëbeteja e zgjedhur e Putinit.
Edhe pse ambiciet e tij duken shumë imagjinare, ai nuk duket se do të zmbrapset.
Vladimir Putin vazhdon ta quajë pushtimin e tij “operacion special ushtarak”.
Shumë rusë ishin në gjendje ta pranonin këtë – madje edhe ta mbështesnin – ndërkohë që nuk i preku drejtpërdrejt. Por mobilizimi i rezervistëve ushtarakë e ka kthyer diçka të largët dhe abstrakte në një rrezik shumë të afërt dhe personal.
“Ky është moment formues. Për shumicën e rusëve, lufta sapo filloi disa javë më parë”, ka theksuar Anton Barbashin.
“Në muajt e parë, njerëzit që vdisnin ishin kryesisht nga periferitë dhe qendrat më të vogla. Mirëpo mobilizimi përfundimisht do ta ndryshojë këtë, pasi arkivolet do të kthehen në Moskë dhe Shën Petersburg”.
