Prizreni mirëpret Albin Kurtin: Entuziazëm dhe përkushtim për fitoren e VV-së

0
59

Në palestrën “Sezai Surroi”, mijëra qytetarë të Prizrenit përshëndetën kryeministrin Albin Kurti dhe ekipin e tij në një tubim plot energji. Ministrat Hajrullah Çeku dhe Arbërie Nagavci, së bashku me kandidatin Artan Abrashi, theksuan unitetin e qytetarëve dhe vizionin e pandalshëm të VV-së, shkruan 04 Online.

Kryeministri Kurti kujtoi progresin gjatë qeverisjes katër vjeçare, duke përmendur investimet e mëdha në ushtri dhe qëndrueshmërinë ndaj sfidave në veri. Me vargjet e Lidhjes së Prizrenit, Kurti ripohoi mbrojtjen e vendit dhe drejtësinë historike për lidhjet mes shqiptarëve.

Tubimi konfirmoi përkushtimin e Prizrenit për vazhdimin e qeverisjes Kurti dhe një të ardhme me zhvillim dhe siguri.

“Në Prizrenin e kulturës dhe historisë, që mbetet përherë simbol i krenarisë kombëtare dhe një prej qendrave më të rëndësishme politike e shpirtërore të shqiptarëve, mijëra qytetarë u mblodhën për të pritur kryeministrin e Kosovës, Albin Kurti.

“Prizreni i grave Heroina”, ishte epiteti që kandidatja për deputete, Edona Llalloshi i dha qytetit të Prizrenit, qytetarët e të cilit ishin nikoqir të kryeministrit Albin Kurti, ministrave e kandidatëve për deputetë.

Artan Abrashi, kandidat për deputet nga Prizreni, tha se vizionin tonë nuk ka forcë opozitare që mund ta shuaj.

Arbërie Nagavci, ministre e Arsimit, tha se nga zotimet te progresi ecet me Vetëvendosje! dhe kryeministrin Kurti.

Ministri i Kulturës, Hajrullah Çeku tha se shpirti i qytetarëve të Prizrenit janë zemrat e këtij qyteti që bëhen bashkë cep më cep, anë e këndë Republikës tonë, drejt fitores rekorde dhe historike.

Palestra “Sezai Surroi” ishte e mbushur cep më cep, nga qytetarë të cilët nuk pushonin thirrjet në drejtim të Albin Kurtit, kryeministrit të tashëm dhe të ardhshëm të Kosovë.

Duke garantuar për punën vigjilente në mbrojtje dhe siguri, kryeministri kujtoi se në të kaluarën për ushtrinë tonë ndaheshin nga 4 milionë euro, kurse me qeverisjen tonë u ndanë mbi 360 milionë. Kryeministri ngriti pyetjen se kur bandat në veri pasuroheshin nga strukturat kriminale, kurse oligarket në arbitrazhe, a ishte me koordinim a pa koordinim kjo qasje?

“Kjo asht toka e jonë, t’parët na e kanë lanë, kush mos të na e prekin, se vdesim të tanë!” – ishin vargjet që risolli Kryeministri, të kohës kur këndoheshin nga ata që e bënë Lidhjen e Prizrenit.

Për lidhjen e Prizrenit me Tetovën, kryeministri Kurti tha se kjo është një drejtësi historike ndaj një “padrejtësie gjeografike”, pasi malet i kemi për të na mbrojtur, e jo për të na ndarë, vijoi ai.

Ky aktivitet i mbushur me energji dhe entuziazëm konfirmoi edhe njëherë përkushtimin e qytetarëve të Prizrenit për mbështetjen ndaj Kryeministrit dhe Qeverisë Kurti.

Fushata e Lëvizjes VETËVENDOSJE! në këtë qytet dëshmoi unitetin dhe vendosmërinë për të vazhduar punën drejt një të ardhme me zhvillim, me drejtësi dhe me siguri për të gjithë qytetarët, pa dallim.”, thuhet në njoftimin e LVV-së./04 Online

LEAVE A REPLY

Please enter your comment!
Please enter your name here