Një rast i lëndimit të lehtë trupor është raportuar në Stacionin Policor në Prizren.
Sipas raportit të Policisë së Kosovës, bëhet e ditur se viktima i mitur, ka raportuar se është sulmuar fizikisht nga tre të dyshuar bashkëmoshatar të tij.
Sipas njoftimit bëhet e ditur se rasti ka ndodhur dje rreth orës 21:50 në rrugën “Istriotet” në Prizren.
Poashtu, policia njofton se të dyshuarit, të mitur aktualisht gjenden në arrati.
“Rr. Istriotet, Prizren 27.01.2023 – 21:50. Viktima mashkull kosovar i mitur ka kërkuar ndihmë mjekësor, pasi që sipas tij është sulmuar fizikisht nga tre të dyshuar meshkuj bashkëmoshatar të tij. Të dyshuarit gjenden në arrati.”
