Përfaqësues të shumë shteteve janë mbledhur sot në Bruksel, në kuadër të samitit të jashtëzakonshëm të NATO-s.
Me këtë rast, presidenti kroat, Zoran Milanoviq ka propozuar që Kosova të integrohet në këtë aleancë, e të bëhet më në fund shtet i plotë:
Milanoviq ndër të tjerash këtë e ka thënë në deklaratat e tij pas samitit, raporton “Index.hr”.
“Katër shtete të NATO-s ende nuk e njohin Kosovën. Unë propozova që Kosova të integrohet, e më në fund të bëhet një shtet i plotë”, deklaroi presidenti kroat.
Milanoviq tha se në samit është përmendur rajoni dhe rreziqet e mundshme nga destabilizimi si pasojë e pushtimit rus në Ukrainë.
Por ai ka shtuar se nuk është përmendur në këtë mes edhe Serbia dhe Kosova.
“Regjioni është përmendur, Bosnja-Hercegovina si shtet që pretendohet se është i rrezikuar, Moldavia, Gjeorgjia, por Kosova dhe Serbia nuk u përmendën”, shtoi ai./Lajmi.net
