Policia e Kosovës ka bërë të ditur se është duke e hetuar vdekjen e një të riu dje në Prizren.
Sipas Policisë, viktima është gjetur pa shenja jete në banesën e tij në Prizren.
Në vendin e ngjarjes është gjetur një pushke automatike me të cilën dyshohet që viktima ka qëlluar veten.
“HETIM I VDEKJES
Rr. Sefedin Laqi, Prizren 10.01.2024 – 14:20. Raportohet se viktima mashkull kosovar është gjetur pa shenja jete në banesën e tij. Në vendin e ngjarjes është gjetur një pushke automatike me të cilën dyshohet që viktima ka qëlluar veten. Me vendim të prokurorit trupi i pajetë është dërguar në obduksion”, njofton Policia e Kosovës.
Viktima është 24 vjeçar.
