Policia në Prizren ka bërë të ditur se Sektori i Hetimeve Rajonale në Prizren, pas pranimit të informatës për një rast ”të veprës penale”kanosje”, reagimi policor ka qenë i menjëhershëm nga ana e hetuesve policor lidhur me rastin.
Ndërkaq sot më 07.02.2024, kanë arritur ta lokalizojnë vende ndodhjen dhe të arrestojnë të dyshuarin: A. D. i vitit të lindjes 1976 m/sh/k , i cili përmes rrjeteve sociale kishte kanosur një gjyqtare.
I njëjti është shoqëruar në Sektorin e Hetimeve Rajonale në Prizren ku është intervistuar në prezencë të avokatit mbrojtës ku i njëjti ka pranuar se ka kanosë gjyqtaren përmes rrjeteve sociale për arsye se e njëjta e kishte dënuar me herët për një rast tjetër.
Të gjitha këto veprime janë ndërmarrë në koordinim me Prokurorin kujdestar.
Në konsultim me Prokuroren e rastit i dyshuari është dërguar për ndalim policor për 48 orë.
Rasti është duke u hetuar, bëhet e ditur nga Policia.
