Një emigrant nga Prizreni që ishte për disa ditë në vendlindje dhe që po kthehej për në Gjermani aty ku jeton e punon, kishte marr me vete produkte ushqimore si: suxhuk, djathë, etj.
Ai ka treguar se është dënuar me gjobë 1680 euro në kufirin kroat pikërisht për këto produkte.
Ai u ka bërë thirrje të gjithë bashkëatdhetarëve që të kenë kujdes që të mos marrin me vete produkte të mishit dhe të qumështit brenda mjeteve personale të transportit pasi mund të kalojnë të njëjtën situatë.
Ndonëse sipas rregullave ndalohet transporti i mishit dhe produkteve të qumështit brenda mjeteve personale të transportit, L. Krasniqi thotë se gjobat për këto produkte janë tepër të larta dhe të pashpjegueshme.
“I kisha lutur edhe të tjerët, mos të gabojnë të marrin se ka shumë dënime ekstreme”, tha Krasniqi për Televizionin e Prizrenit.
