Drejtori i Zyrës Serbe për Kosovë në qeverinë e Serbisë, Petar Petkoviq, ka cilësuar se kryeministri i Kosoës, Albin Kurti, është kërcënimi më i madh për stabilitetin e rajonit dhe pengesa më e madhe për përparimin e procesit të normalizimit të marrëdhënieve mes dy vendeve.
Tutje, ai tha se rezistenca e Kurtit ndaj formimit të Asociacionit të Komunave me Shumicë serbe dhe siç tha ai, justifikimet e vazhdueshme për mosveprim në këtë çështje, janë konfirmim i “shovinizimit të tij të pasherueshëm anti-serb”.
“Bashkësia e komunave serbe, duhet të formohet në përputhje me marrëveshjet e arritura në kuadër të dialogut të Brukselit ndërmjet Beogradit dhe Prishtinës dhe shton se nëse ai nuk dëshiron ta bëjë të mundur, do ta mundësojë dikush tjetër”, është shprehur Petkoviq, shkruan Kosovo-online.
Tutje, ai tha se as populli serb në Kosovë por as shteti i Serbisë nuk do të heqin dorë nga kërkesa për themelimin e Asociacionit të Komunave me Shumicë Serbe, pasi sipas tij, çështja e Asociacionit nuk është çështje e zakonshme politike.
