Banorët e Big Brother Vip Kosova 4 kanë zhvilluar nominimet e radhës, duke përzgjedhur nga dy emra dhe duke dhënë arsyet për secilin vendim të marrë.
Si rezultat i votave të shtëpisë, përveç Toneyt dhe Kushtrimit, të cilët janë renditur si më pak të preferuarit e publikut, në listën e të nominuarve janë futur edhe Alba, Labinot Rexha dhe Labinot Haxhiu.
Një pjesë e madhe e banorëve kanë zgjedhur të nominojnë Labinot Haxhiun, duke theksuar se dëshirojnë ta shohin më aktiv në lojë, pasi sipas tyre ai ende nuk është përfshirë sa duhet në dinamikën e shtëpisë.
Sa i përket Albës, disa banorë u shprehën se nuk e shohin si të sinqertë në mënyrën se si po luan, ndërsa të tjerë thanë hapur se thjesht nuk e durojnë.
Ndërkohë, Elijona, e shpallur si banorja më e pëlqyer nga publiku, falënderoi të gjithë ata që e kanë mbështetur me vota.
Ajo nominoi Labin, duke thënë se sipas saj ai duhet ta lërë vetë shtëpinë, si dhe Benitën, për të cilën u shpreh se i duket shumë e mbushur me inat. /Telegrafi/
