Duket se Ivan Perisic është drejt fundit të aventurës tek skuadra kampione e Italisë, Inter, përcjell Reporteri.net.
Anipse drejtuesit e Interit shpresojnë të ia zgjasin kontratën kroatit, ata tashmë kanë në listë Andrea Cambiaso dhe Federico Bernardeschi.
E, kontrata e Perisic me Interin skadon në verë dhe bisedimet me Nerazzurrët janë në vazhdim.
33-vjeçari kishte kërkuar një marrëveshje 6 milionë euro në vit, e cila nuk ishte e përballueshme për Nerazzurrët, por nuk ka marrë një ofertë të ngjashme nga asnjë klub tjetër në Evropë.
Sipas Il Corriere dello Sport, ai ka kërkuar një kontratë të re dyvjeçare, ndërsa Interi është i hapur për të ofruar një marrëveshje njëvjeçare me një opsion për ta vazhduar për një sezon të mëtejshëm. Bisedimet mes dy palëve janë ende në vazhdim, por Interi po përgatitet për largimin e mundshëm të Perisic.
Cambiaso i Genoas dhe Bernardeschi i Juventusit shihen si opsione të mundshme për kampionët e Serie A që nënshkroi Robin Gosens nga Atalanta në janar.
Cambiaso është një përfaqësues i Italisë U21, është një objektiv prej kohësh i Nerazzurrëve, ndërsa Bernardeschi u nënshkrua nga Beppe Marotta në Juventus në 2017 dhe tani është në dispozicion si lojtar i lirë pasi nuk ka gjasa të vazhdojë kontratën e tij që skadon me Zonjën e Vjetër, e cila i ka ofruar atij ulje page.
