Pastrimi i tepërt mund të dëmtojë shëndetin, thonë studiuesit, shkruan 04 Online.
Ekspozimi i ekuilibruar ndaj mikrobeve është i rëndësishëm për forcimin e sistemit imunitar dhe për parandalimin e alergjive dhe sëmundjeve autoimune.
Hulumtimet kanë treguar se shtëpitë tona kanë një “mikrobiomë” natyrale, përbërë nga baktere, kërpudha dhe mikroorganizma të tjerë që ndihmojnë trupin të mbajë një sistem imunitar të shëndetshëm.
Ekspertët theksojnë se mungesa e ekspozimit ndaj mikrobeve mund të çojë në çrregullime të sistemit imunitar dhe sëmundje kronike.
Pastrimi i tepërt dhe përpjekja për të krijuar një ambient pa mikrobe është një gabim, sepse ai mund të zvogëlojë aftësinë e trupit për të luftuar sëmundjet dhe për të zhvilluar një sistem imunitar të balancuar./04 Online
