I dyshuari Shahzaib Khan u arrestua nën dyshimin se kishte vrarë të bijën e tij me revole pasi e kishte qëlluar me katër plumba.
Vajza e vogla një javësh Jannat – që i bie Parajsë në gjuhën Urdu u qëllua me pesë plumba në shtëpinë e saj në Mianwali të Pakistan këtë të hënë.
I dyshuari dhe arrestuari kryesor është babai i saj Shahzaib Khan pasi dëshironte që fëmija i tij i parë të ishte djalë, jo vajzë.
Sipas policisë ai kishte hyrë në shtëpinë e tij dhe kishte urdhëruar gruan e tij t’i jepte Jannat para se ta qëllonte me pesë plumba ka raportuar gazeta pakistaneze Dawn.
Sipas tyre Shahzaib që ishte i martuar për dy vite ishte shumë i zemëruar me lindjen e vajzës së tij dhe kishte refuzuar ta pranonte, duke qëndruar larg. Ai ishte kthyer në shtëpi dhe ishin prezent edhe familja e tij kur ai u kthye dhe i urdhëroi asaj t’ia dorëzoj vajzën.
Sipas policisë familjarët provuan t’ia marrin Jannat nga duart por ai iu kishte drejtuar revolen dhe i kërcënoi se do vriste këdo që i afrohej.
I dyshuari i zbrazi 5 plumba drejt saj me katër që e qëlluan për vdekje Jannat.
Shahzaib u arratis nga vendi i ngjarjes dhe është arrestuar tek ditën e enjte pas një kërkimi disa ditor.
Kjo ngjarje e tmerrshme ka nxitur tërbim në Pakistan pasi u mësuan detajet e rastit.
