Kandidati për deputet nga PDK-ja, Fetah Paçarizi, u takua me pronarë të bizneseve të gastronomisë në Prizren për të diskutuar sfidat dhe mundësitë e zhvillimit të sektorit.
Paçarizi e vlerësoi gastronominë si pasqyrë të kulturës prizrenase dhe atraksion për vizitorët, duke premtuar mbështetje për rritjen e investimeve dhe hapjen e vendeve të reja të punës.
“Do të angazhohemi për politika që fuqizojnë këtë sektor jetik për ekonominë dhe turizmin e qytetit,” tha ai.
Postimi i plotë i Paçarizit:
Sot zhvilluam një takim produktiv me disa nga pronarët e bizneseve gastronomike në Prizren, së bashku me kolegët, kandidatë për deputetë nga Komuna e Prizrenit, me ç’rast diskutuam për zhvillimin e këtij sektori, që është edhe pasqyrë e kulturës prizrenase, sidomos për vizitorët e huaj. 
Mbetemi të përkushtuar t’i mbështesim politikat që mundësojnë rritjen e investimeve dhe krijimin e mundësive të reja pune në këtë sektor.
#PDK131#BedriHamzaKryeministër#MemliKrasniqi2#FetahPaçarizi89#Kosova#MaMirë
