Mos veshja e pantallonave është trendi i ri për stinën më të ftohtë të vitit. Është një trend që përveçse ka pushtuar pasarelat e Miu Miu-t, Etro-s e shumë të tjerëve, është i pëlqyer edhe nga të famshmet si Kendall Jenner, Taylor Sëift dhe Emma Corrin të cilat duke e kombinuar me një xhaketë oversize apo këmishë maxi polo, me çizme deri tek kofshët, krijojnë pamje të guximshme dhe tepër shik.
Ndoshta gjithçka filloi me koleksionin Vjeshtë Dimër 2022/2023, me Bottega Veneta që shfaqi në pasarelë një këmishë të madhe dhe çizme lëkure të zeza deri te kofshët; më pas u konfirmua, për vjeshtën e dimrit 2023/2024 një pulovër me përmasa të mëdha dhe çizme si çorape. Stella McCartney u bashkua me këtë trend: për koleksionin e dimrit solli vetëm këmisha me mëngë maxi dhe çizme deri në kofshë-.
Më pas ishte radha e Isabel Marant, e cila ofron dy versione të ndryshme të No Pants: pulovra dhe geta oversize ose një xhaketë lëkure e transformuar në mini fustane dhe çizme shumë të larta, të kompletuara me detaje metalike me zinxhir.
Ndërsa klasicistët apo ata që e duan sjelljen bon ton do të binden me dy propozimet “Pa pantallona” nga Prada dhe Chanel.
E para vjen me mantel të zi dhe këpucë dekolte ndërsa e dyta me fustan kapot.
Të famshmit nuk humbin asnjë moment, duke e bërë trendin e “Pa Pantallona”, një zgjedhje personale. Para së gjithash, Taylor Sëift e cila në harmoni të përsosur me vjeshtën e Nju Jorkut, zgjedh një polo Stella McCartney, çizme Prada, çantën micro Tod dhe pallto Ralph Lauren. Për të konfirmuar se trendi nuk është i përkohshëm, por është një nga të preferuarit e vjeshtës dimër 2023/2024, Kendall Jenner dhe Hailey Bieber, njëra me një pulovër, xhaketë lëkure dhe këpucë me çorape, tjetra me një xhaketë najloni dhe këpucë deri në kyçin e këmbës./Living
