Presidentja e Kosovës, Vjosa Osmani, të shtunën është takuar me kryeministrin në detyrë të Malit të Zi, Dritan Abazoviq, nga ku ka thënë se Serbia po vazhdon me obstruksione sa i përket zbatimit të Marrëveshjes së Ohrit, të arritur mes Kosovës dhe Serbisë më 18 mars.
Sipas njoftimit të Presidencës, pavarësisht kësaj, Osmani ka thënë se Kosova do të vazhdojë të koordinohet me aleatët për t’u siguruar që marrëveshja do të zbatohet.
“Osmani ka potencuar se Marrëveshja e Brukselit, e trajton Kosovën dhe Serbinë si palë të barabarta në kontekstin e raporteve ndërshtetërore, megjithëse ka theksuar se Serbia po vazhdon me obstruksione sa i përket zbatimit të marrëveshjes së arritur. Pavarësisht kësaj, Presidentja Osmani theksoi se Kosova do të vazhdojë të koordinohet me aleatët ndërkombëtar rreth zbatimit të Marrëveshjes dhe se është e përkushtuar për paqe, siguri dhe stabilitet të qëndrueshëm”, thuhet në njoftim.
