Në emisionin “COSMO” të KTV-së, opozita në Prizren ka adresuar kritika të ashpra ndaj pushtetit lokal për mosrealizimin e premtimeve në fushën e turizmit dhe trashëgimisë kulturore, shkruan 04 Online.
Karanfil Haxhillari nga LVV-ja tha se në këtë sektor është bërë më shumë nga niveli qendror sesa nga ai lokal.
Ndërsa Besnik Krasniqi nga AAK-ja theksoi mungesën e vendeve të parkimit për turistët, duke shtuar se vizitorët sillen nëpër qytet pa një zgjidhje të tillë.
Ndërkaq, Driton Selmanaj, kryetar i LDK-së, u shpreh se mungesa e guidave turistike mbetet një problem i pazgjidhur nga pushteti lokal.
Por, Totaj e thotë të kundërtën e asaj çfarë thonë përfaqësuesit e opozitës në Prizren.
Këto dhe çështje të tjera lidhur me potencialin e pashfrytëzuar turistik të Prizrenit trajtohen në emisionin e plotë “COSMO” në KTV./04 Online
