Komuna e Suharekës e ka promovuar shërbimin e ri në dobi të qytetarëve “One stop shop”.
Kryetari i Komunës, Bali Muharremaj ka parë nga afër këtë shërbim administrativ i cili pritet të shmangë procedurat burokratike.
“Tashmë shërbimet administrative për qytetarët janë më të avancuara.
Qendra për shërbim të qytetarëve e ka sistemin e menaxhimit të radhës, e poashtu shërbimet kryhen në një vend, ku zyrtarët tanë do t’ju ndihmojnë që kërkesat tuaja të jenë sipas procedurave më të lehta.
One stop shop (të gjitha shërbimet në një vend), është qendra e cila do t’i ndihmoj qytetarët pa dallim ta kenë shërbimin administrativ më të shpejt kohor dhe shmang procedurat burokratike të panevojshme” shkruan Muharremaj në njoftim./Indeksonline/
