Një person ka humbur jetën mbrëmjen e së shtunës, teksa ishte duke punuar në një shtyllë elektrike në Prizren.
Ai është goditur nga rryma dhe si pasojë është rrëzuar në tokë.
Në raportin 24-orësh thuhet se në vendin e ngjarjes kanë dalë njësitë policore dhe ekipi i urgjencës, të cilët kanë konstatuar vdekjen e viktimës.
Sipas informacioneve të portalit Gazeta e Prizrenit ai nuk ishte punëtor i KEDS-it.
“Me vendim të prokurorit, trupi i pajetë dërgohet në IML për obduksion”, thotë Policia.
