Një gjerman është nën hetim pasi autoritetet zbuluan se ai kishte marrë vaksinën e koronavirusit të paktën 87 herë, raportoi të premten gazeta Freie Presse.
Burri thuhet se shkoi në qendrat e mjekimit në Gjermaninë Lindore dhe u vaksinua deri në tre herë në ditë. Autoritetet besojnë se kjo ishte e gjitha si pjesë e një skeme për shitjen e kartave të vaksinimit për antivaksinuesit.
Raporti vjen ndërsa Gjermania lufton me një valë infeksionesh COVID-19 dhe përpiqet të rrisë normat e saj të vaksinimit në krahasim me vendet e tjera të Evropës Perëndimore.
Sipas informacioneve të marra nga Freie Presse, 61-vjeçari ka vizituar disa qendra vaksinimi në shtetet lindore të Gjermanisë, Saksoni dhe Saksoni-Anhalt.
Burri besohet se e ka kryer vaksinimin deri në tre herë në ditë në vende të ndryshme – duke regjistruar 87 vaksina kundër koronavirusit vetëm në shtetin e Saksonisë.
Një anëtar i stafit në një qendër në qytetin e Dresdenit u bë i dyshimtë kur e njohu burrin, tha për gazetën një zëdhënës i Kryqit të Kuq Gjerman, Kai Kranich.
Herën tjetër që ai hyri në një qendër vaksinimi në qytetin Eilenburg, jashtë Leipzig, stafi thirri policinë dhe ai u ndalua./GazetaSinjali/
