Kryetari i Prizrenit, Shaqir Totaj, dhe Kryeshefi Ekzekutiv i K.R.U “Hidroregjioni Jugor”, Zenel Zenelaj, kanë nënshkruar marrëveshjen për realizimin e projektit “Furnizimi me ujë të pijes për qytetin e Prizrenit nga burimi Vërmica”.
Sipas Totajt realizimi i këtij projekti do të jetë një zgjidhje e mirë për qytetarët e Prizrenit, duke siguruar ujë të pijes për 30 vitet e ardhshme.
“Kryetari i Komunës, Shaqir Totaj së bashku me Kryeshefin Ekzekutiv të K.R.U ”HIDROREGJIONI JUGOR” Sh. A, Prizren z.Zenel Zenelaj, kanë nënshkruar marrëveshje për realizimin e projektit “Furnizimi me ujë të pijes për qytetin e Prizrenit nga burimi Vërmica”.
Prizreni, që nga periudha e pasluftës vazhdimisht ka hasur në vështirësi për furnizimin me ujë të pijes në pjesë të ndryshme të qytetit dhe fshatrave. Reduktimet e vazhdueshme janë dëshmia më serioze që duhej të ndërmerren masa për rritjen e kapaciteteve të ujit në komunën e Prizrenit.
Qëllimi i këtij projekti me rëndësi jetike është zgjidhja afatgjate e sigurimit të ujit të pijes për qytetarët e Komunës së Prizrenit, për 30 vitet e ardhshme.
Data 22 Mars është Dita Botërore e Ujit, prandaj sot kryetari, Shaqir Totaj në bashkëpunim me K.R.U “Hidroregjioni Jugor” Sh.A, Prizren kanë ndërmarr veprimin e parë drejt finalizimit të objektivit kryesor, furnizimi me ujë të pijes 24 orë për çdo banorë në Komunën e Prizrenit”, thuhet në njoftimin e Komunës së Prizrenit./04 Online
