Presidentja e vendit, Vjosa Osmani, përmes një postimi në platformën “X”, ka uruar aleancën atlantike NATO-në për 76-vjetorin e themelimit të saj, duke e quajtur si unitet, forcë dhe paqe.
Osmani ka theksuar se sot nderohet aleanca e cila ka qëllimin se liria, dinjiteti dhe paqja ia vlen të mbrohen.
“Ne nderojmë një Aleancë të ndërtuar jo vetëm mbi pushtetin, por me qëllim – besimin e përbashkët se liria, dinjiteti dhe paqja ia vlen të mbrohen. Njëzet e gjashtë vjet më parë, NATO ndihmoi në shpëtimin e miliona jetëve në Kosovë. Ajo mbetet ende shtylla kurrizore e paqes dhe sigurisë – në rajonin tonë, në të gjithë Evropën dhe në mbarë botën. Ne kemi qëndruar krah për krah me aleatët tanë dhe do të vazhdojmë të qëndrojmë – si partnerë, si kontribuues dhe si anëtarë të ardhshëm. Sepse anëtarësimi në NATO nuk është vetëm qëllimi ynë – është kapitulli tjetër në një udhëtim të përbashkët për paqen dhe sigurinë afatgjatë”, ka shkruar Osmani.
