Sot vendi ynë do të përballet me një mot të paqëndrueshëm. Paradite pritet të mbajë mot me vranësira dhe intervale me diell, me mundësi për reshje të izoluara, shkruan 04 Online.
Pasditja do të shënojë kalimin e një fronti të fuqishëm, i cili do të sjellë reshje shiu, lokalisht edhe në formë rrebeshesh të shoqëruara me shkarkesa rrufesh. Reshje të reja parashihen edhe gjatë mbrëmjes.
Era do të fryjë kryesisht nga perëndimi dhe në disa momente do të jetë jashtëzakonisht e fuqishme, duke arritur shpejtësi prej 30 deri në 90 km/h, çka mund të shkaktojë edhe dëme materiale.
Temperaturat minimale do të sillen mes 15-19°C, ndërsa ato maksimale do të arrijnë deri në 28-32°C. Me kalimin e frontit të pasdites, temperaturat do të zbresin nën 20°C./04 Online
