Në fund të mandatit të saj, asambleistja e Lëvizjes Vetëvendosje në Prizren, Nazife Kokollari – Tahiri, ka njoftuar se i është bashkuar Aleancës për Ardhmërinë e Kosovës, duke nisur kështu një rrugëtim të ri politik, raporton 04 Online.
Ajo tha se ky hap është shprehje e përkushtimit për të kontribuar më shumë për komunitetin dhe vlerat që përfaqëson Aleanca.
Njoftimi i plotë i Nazife Kokollari – Tahiri
Të dashur qytetarë, miq dhe bashkëvendas,
Me vullnet të plotë dhe besim në të ardhmen, sot kam marrë vendimin që t’i bashkohem Aleancës për Ardhmërinë e Kosovës (AAK).
Ky hap është shprehje e përkushtimit tim për t’u angazhuar edhe më shumë në shërbim të komunitetit dhe të vendit tonë të dashur.
AAK është shtëpia politike e vlerave që i besoj: liria, drejtësia, zhvillimi ekonomik dhe ruajtja e dinjitetit të qytetarëve.
Jam e bindur se së bashku, me punë dhe përkushtim, mund të sjellim ndryshime pozitive për të gjithë.
Faleminderit për mbështetjen tuaj!
Përpara me AAK-në, përpara për Prizreni!
