Dafina Zeqiri së fundi ka treguar nëse djali i ngjan asaj apo Kreshnikut.
Kujt i përngjan fëmija zakonisht është ndër temat më të ëmbla të diskutueshme pas ardhjes së një jete të re në familje.
Kësaj duket se nuk i kanë shpëtuar as Dafina e Kreshniku.
Në “garën” miqësore Dafina sapo ka dhënë përgjigjen përfundimtare.
Artistja e njohur ka ndarë së fundmi një foto të ëmbël në Instagram story, ku shfaqet duke puthur djalin e saj, shoqëruar me mbishkrimin e qartë: “My mini me”.
Ky postim vjen si një përgjigje lozonjare për të gjithë ndjekësit dhe miqtë e çiftit, duke “vulosur” se i vogli ka marrë tiparet e së ëmës.
Dafina Zeqiri dhe partneri i saj, Kreshnik Gjergji, u përfolën shumë që nga lidhja, te martesa e tyre, e jo më pak edhe qëkur u bënë prindër.
Ata u bënë prindër për herë të parë në korrik të këtij viti, duke mirëpritur në jetë djalin e tyre, të cilin e pagëzuan me emrin Daskan.
