Gjermania vazhdon të kërkojë profesionistë të kualifikuar të huaj, për më tepër gjatë sezonit turistik.
Sipas Studying-in-Germany, shuma e kërkuar për dëshminë financiare për studentët në Gjermani do të rritet duke filluar nga shtatori 2024.
Studentët nga jashtë BE-së ose EEA-së (duke përfshirë edhe studentët nga Shqipëria, në këtë rast) që planifikojnë të qëndrojnë në Gjermani për studimet e tyre duhet t’u dëshmojnë autoriteteve gjermane se kanë mjaftueshëm të holla për të mbështetur veten në mënyrë që të marrin një vizë.
Kjo shumë e specifikuar duhet të depozitohet në një llogari bankare të quajtur Blocked Account (Llogari e bllokuar).
Këto para më pas bllokohen dhe lëshohen në këste mujore për mbajtësin e llogarisë, duke dëshmuar që studenti ka fonde të mjaftueshme për të mbështetur veten gjatë qëndrimit të tij në Gjermani.
Që nga janari 2023, shuma e kërkuar në llogarinë e bllokuar kur aplikoni për një vizë studentore gjermane ishte 11,208 € (934 €/muaj). Nga shtatori 2024, kjo shumë pritet të rritet në 11,904 € për 12 muaj, ose 992 € për muaj.
Mundësi për punë sezonale në Gjermani:
Kjo kërkesë është e bazuar në normën BAföG, programin e ndihmës financiare për studentë në Gjermani.
Kjo depozitë është minimumi që duhet të keni në llogarinë tuaj të bllokuar për të demonstruar mjetet financiare (Finanzierungsnachweis) për një vizë studenti.
Pse është e rëndësishme: “Pika e re financiare ndoshta do ta bëjë më sfiduese për studentët nga vendet jashtë BE-së të studiojnë në Gjermani.
Disa studentë mund të kenë vështirësi në përmbushjen e kërkesave të rritura financiare, duke çuar potencialisht në një rënie të aplikimeve nga këto vende.
Megjithatë, ata që arrijnë të përmbushin limitin mund të jenë financiarisht të sigurt dhe më të përgatitur për kostot e jetesës në Gjermani.” – Alma Miftari, Kreu i Kërkimeve në Studying-in-Germany.org.
Studentët dhe kërkuesit e punës që kanë nevojë për një vizë për në Gjermani kanë nevojë për një llogari bankare të bllokuar.
Edhe studentët nga vendet që nuk kanë nevojë për vizë për në Gjermani (si SHBA, Kanada, Japoni, etj.) do të kenë nevojë për një llogari bankare të bllokuar për lejen e qëndrimit të tyre.
Për ata që nuk kanë nevojë për një vizë ose leje qëndrimi për të studiuar në Gjermani (p.sh., qytetarët e një vendi anëtar të BE-së/EEA-së), një llogari e bllokuar nuk është e nevojshme.
Studimi në Gjermani pa një llogari të bllokuar është i mundur nëse dikush mund të dëshmon autoriteteve gjermane se kanë fonde të mjaftueshme përmes disa alternativave të tjera./Syri.net
