Kandidati për Kuvendin e Prizrenit nga radhët e Lëvizjes Vetëvendosje, Edon Muçaj, ka bërë të ditur se fokusi i tij do të jetë edhe te zhvillimi i kulturës, rinisë dhe sportit në qytet, nëse fiton besimin e qytetarëve, shkruan 04 Online.
Muçaj ka theksuar se planifikon të angazhohet për krijimin e tereneve sportive nëpër lagje të ndryshme të qytetit, subvencionimin e klubeve sportive, pa dallime politike dhe mbështetjen e turneve tradicionale në futboll të vogël, si pjesë e promovimit të sportit dhe bashkimit komunitar.
Ai ka shtuar se këto iniciativa do të ndihmojnë në fuqizimin e të rinjve dhe në rritjen e aktiviteteve sportive e kulturore në Prizren.
