Trajneri i ri i Kombëtares së Anglisë pritet të jetë Thomas Tuchel.
Gazetari italian, Fabrizio Romano raporton se tashmë kjo është punë e kryer dhe se trajneri gjerman do t’i marrë “frenat” e “Tre Luanëve” në duart e tij, shkruan Indeksonline
Të gjitha dokumentat tashmë janë firmosur dhe ish-trajneri i Chelseat dhe PSG-së mund të zyrtarizohet gjatë ditës së sotme.
Tuchel pritet ta zë vendin e Lee Carsley, i cili u ul në stol pas shkarkimit të Gareth Southgate.
Objektivi i Tuchelit me Anglinë është fitimi i Kupës së Botës, e cila mbahet në Amerikë gjatë vitit 2026.
