Jose Mourinho, i njohur si “Special One”, shpesh ndan histori interesante dhe shpeshherë komike nga karriera e tij e gjatë si trajner, shkruan 04 Online.
Së fundmi, trajneri i Fenerbahçes ka zbuluar një histori humoristike që lidhet me ish-mesfushorin francez, Lassana Diarra.
Mourinho ka treguar se periudha kur drejtonte Diarran te Real Madridi dhe Chelsea ka qenë aq sfiduese, saqë ai e lidh zbardhjen e flokëve të tij me këtë lojtar dhe menaxherin e tij:
“Krejt këto flokë të thinjura në kokën time janë për shkak të Lassana Diarras dhe menaxherit të tij,” tha ai.
Mourinho shpjegoi se kur Diarra luante mirë dhe qëndronte në fushë për 90 minuta, menaxheri i tij vinte të nesërmen duke kërkuar kontratë të re dhe rritje page. Kurse, në rastet kur lojtari nuk aktivizohej ose qëndronte në stol, menaxheri paraqitej menjëherë duke kërkuar largimin e tij nga klubi.
Përkundër sfidave, Mourinho mbetet një nga trajnerët më të suksesshëm dhe unik në historinë e futbollit. Në moshën 61-vjeçare, ai ka fituar gjithçka, përfshirë dy herë Ligën e Kampionëve, me Porton dhe Interin. Ai ka drejtuar ekipe prestigjioze si Chelsea, Inter, Real Madrid, Manchester United, Tottenham dhe Roma, duke lënë gjurmë të pashlyeshme në futboll.
Këto momente të ndara nga Mourinho tregojnë jo vetëm sfidat e tij si trajner, por edhe sensin e tij të humorit që e bën atë një figurë të dashur për fansat./04 Online
