Ministri i Bujqësisë, Faton Peci i ka shkuar në zyrë kryetarit të ri të Leposaviqit, Lulzim Hetemit.
Peci ka thënë se kryetarit i ka ofruar mbështetjen e Qeverisë së Kosovës, si dhe kanë diskutuar për disa projekte, transmeton Telegrafi.
“Së bashku me Zëvendësministrin e Brendshëm, Blerim Gashani, kisha kënaqësinë e veçantë të vizitojmë sot në zyrën e tij, Lulzim Hetemin, Kryetarin e Komunës së Leposaviqit. Ia uruam detyrën e re dhe i ofruam tërë mbështetjen e Qeverisë së Republikës së Kosovës. Si Ministër i Bujqësisë, i tregova kryetarit Hetemi për planet e projektet shumë milionëshe për bujqësinë të Ministrisë që unë udhëheq për qytetarët e komunës që ai udhëheq, pa asnjë dallim përkatësie etnike e tjetërfare”, ka theksuar ai.
Kryetari i Leposaviq ka pranuar para disa ditësh detyrën si kryetar. /Telegrafi/
https://www.facebook.com/plugins/post.php?href=https%3A%2F%2Fwww.facebook.com%2Ffatonpeci24%2Fposts%2Fpfbid09mRVYyiyKceA66kQ198BTvo4jBVWce5dnZucWiJsn1pUN4Uv6zWZwF16tt6msb33l&show_text=true&width=500
