Milan ka triumfuar pastër me rezultat 3-0 ndaj Lecces, në duelin hapës të xhiros së 6-të të edicionit 2024-25 në Serie A.
“Kuqezinjtë” përfunduan çështjen e fitores për pesë minuta, nga të cilët erdhën të tre golat në këtë hapësirë kohore, shkruan Sinjali Sporti.
Alvaro Morata ishte ai që zhbllokoi sfidën në minutën e 38-të, për t’u dyfishuar epërsia vetëm tre minuta më pas nga Theo Hernandez.
Ndërkohë, dy minuta më vonë pas golit të dytë, erdhi edhe i treti, i realizuar nga Christian Pulisic në minutën e 43-të.
Në pjesën e dytë, rrjetat mbetën të paprekura, kurse rosonerët regjistrojnë një fitore mjaft të rëndësishme.
Me këtë fitore, Milani ngritet aktualisht në pozitën e dytë me 11 pikë të mbledhura.
