Manchester United ka zyrtarizuar transferimin e sulmuesit holandez, Joshua Zirkzee nga Bologna.
23-vjeçari ka nënshkruar një kontratë 5-vjeçare me “Djajtë e Kuq”, teksa futbollisti i ka kushtuar klubit anglez rreth 34 milionë funte.
Pas zyrtarizimit, Zirkzee ka dhënë edhe fjalët e tij të para si futbollist i ri i klubit.
“Duke pasur diskutime me menaxherin dhe drejtuesit e klubit, e di se sa emocionuese do të jetë e ardhmja këtu dhe mezi pres të luaj rolin tim në arritjen e suksesit për Manchester United. Unë jam një lojtar që gjithmonë i kam kushtuar gjithçka për të fituar”, ka deklaruar ai.
