Dështimi i seancës së sotme të asamblesë komunale në Prizren për LVV-në në këtë komunë vlerësohet si krizë për numra për pushtetin lokal.
Sipas LVV-së Shaqir Totaj është në krizë të numrave në Kuvend.
“Pushteti lokal i udhëhequr nga PDK dhe Shaqir Totaj, edhe pse ka degraduar si kurrë më parë duke dhënë resurse publike në shërbim të blerjes së votës së kuvendarëve, prap se prap po duket që pazaret e reja po i mbulojnë parazet e vjetra, e për pasojë Shaqir Totaj është në krizë të numrave në Kuvend.
Edhe sot, për të dytën herë radhazi dështoi mbajtja e mbledhjes së Kuvendit Komunal në Komunën e Prizrenit për shkak të mungesës së korumit.
Si Lëvizje VETËVENDOSJE! dhe opozita në tërësi, sot lëshuam mbledhjen e Kuvendit Komunal pasi që nuk dëshirojmë të bëhemi hisedar në shkeljet e ligjit që po i bënë pushteti lokal, e gjithë kjo si pasojë e këmbënguljes së pushtetit për të vazhduar seancën kundërligjshëm edhe pse sipas ligjit në fuqi, pikat e rendit të ditës duhej të shqyrtoheshin paraprakisht në Komitetin për Politikë dhe Financa, por që kishte dështuar një gjë e tillë për shkak se pushteti nuk i ka numrat për vendimarrje.
Si Lëvizje VETËVENDOSJE! Qendra në Prizren, përmes grupit tonë të Kuvendarëve i bëjmë thirrje të gjithë kuvendarëve, sidomos atyre që kanë fituar votat e qytetarëve nën petkun e opozitarit, që të jenë në krye të detyrës duke mos iu nënshtruar diktatit të Shaqir Totajt në dëm të interesit të qytetarëve të komunës tonë”, thuhet në reagimin e LVV-së në Prizren./04 Online
