Daut Haradinaj ka shprehur publikisht mbështetjen për Lok Komonin nga Deçani, duke e cilësuar si një të ri me vlera dhe angazhim të jashtëzakonshëm. Sipas Haradinajt, shprehja “kurrë mos u dorëzo” i përshtatet më së miri Komonit, i cili para vetëm nëntë muajsh kishte arritur të grumbullojë mijëra vota falë aktivizimit të tij shumëdimensional.
Haradinaj bëri të ditur se Lok Komoni tashmë po hyn në garën zgjedhore për deputet, duke theksuar se Aleanca për Ardhmërinë e Kosovës vazhdon të sjellë kuadro dhe figura të pakrahasueshme në skenën politike.
Ai e quajti nder bashkërrugëtimin me Komonin në këtë sfidë politike, duke shtuar se beson në suksesin e tij dhe në mbështetjen që ai do të marrë nga qytetarët e Deçanit dhe më gjerë.
