Këngëtarja Sheila Haxhiraj, do të publikojë ditën e sotme këngën e saj të radhës, me titull “Makalina”. Ende pa u publikuar, kënga ka ngjallur shumë debate për një pozë sensuale të saj me një vajzë. Në një intervistë Sheila është shprehur se kjo këngë është bazuar në një histori të vërtetë të sajën.
Kënga është komentuar shumë pasi ka publikuar një foto nga klipi ku shfaqet së bashku me një vajzë tjetër, topless dhe të mbuluara me qese transparente.
“Po, “Makalina” është një këngë bazuar në një histori të vërtetë, personale timen. Ku kam folur për humbjen e një prej njerëzve më të rëndësishëm për mua, marrëdhënien mes shoqes dhe jo vetëm kaq për mua…!”, tha Sheila.
Me këto fjalë ajo ka lënë një kuriozitet të madh rreth kësaj historie që këngëtarja pritet ta zbulojë me anë të muzikës.
