Dega e LDK-së në Prizren ka publikuar fotografitë të cilat tregojnë se si do të duket sheshi i Lidhjes pas vendosjes së shtatores të ish-presidentit të Kosovës, Ibrahim Rugova.
Sipas LDK-së qyteti i Prizrenit e meriton shtatoren e ish-presidentit Rugova.
“Qyteti i Prizrenit padyshim që e meriton shtatoren e Presidentit Historik Ibrahim Rugova, prandaj LDK në Prizren e bëri propozimin në Kuvendin Komunal që Presidenti Rugova t’a ketë vendin e përjetshëm në Sheshin e Lidhjes.
Në përfundim të projektit ajo pjesë do t’a marrë emrin Sheshi Ibrahim Rugova.
Gjeni të bashkangjitura pamje të mrekullueshme të Sheshit Ibrahim Rugova në Prizren”, thuhet në njoftimin e LDK-së në Prizren./04 Online
