Këshilli i Bashkimit Evropian ka vendosur që t’ia zgjasë mandatin emisarit evropian për dialogun Kosovë-Serbi, Miroslav Lajçak.
Ashtu siç ishte raportuar, kjo u bë e ditur edhe zyrtarisht sot nga Këshilli i BE-së.
“Miroslav Lajçakut, Përfaqësuesit Special të BE-së për dialogun Kosovë-Serbi dhe për çështje tjera rajonale të Ballkanit Perëndimor, i është vazhduar mandati deri më 31 janar, 2025”, thuhet në vendim.
Më parë, Lajçaku ishte nominuar nga shefi i tij, Josep Borrell, për Ambasador të BE-së në Zvicër.
