Gazeta Sinjali raportoi sot një rast të rëndë që ka ndodhur në Prizren ku Beqir Morina ka mbetur pa shenja jete pasi dyshohet se u privua nga jeta nga një burrë rreth të 50-tave.
Burimet brenda Prokurorisë kanë bërë me dije se personi që është shpallur në kërkim si i dyshuar për këtë rast është Aziz Gashi nga Klina.
Lajmin për Sinjalin e ka konfirmuar togeri i Policisë për rajonin e Prizrenit, Shaqir Bytyqi.
“Rreth orës 18:46 është raportuar për të shtëna me armë zjarri në lagjen Arbana. I dyshuari nga automjeti në lëvizje ka shtënë me armë zjarri në drejtim të një personi tjetër. Është komnstatuar vdekja e viktimës në vendin e ngjarjes. Viktima është mashkull shqiptar i moshës rreth 48 vjeçar dhe i dyshimti është rreth moshës 50-55 vjeçare. I dyshuari është në kërkim nga Policia.
Policia bashkë me njësinë e forenzikës janë në vendin e ngjarjes”, tha Bytyqi./Gazeta Sinjali/
