Javën e kaluar në Q.S. në Gjilan vdiq një i burgosur i moshës afërsisht 80 vjeçe, apo, që të jemi të saktë, i moshës 78 vjeçe, thuhet në reagimin e KMDLNJ-së.
“Sipas raporteve mjekësore i burgosuri ishte pranuar me probleme të rënda kardiake që edhe e shkaktuan vdekjen përkundër angazhimit të personelit shëndetësor të Qendrës së Paraburgimit në Pasjak të Gjilanit t’i shpëtojnë jetën. Rastet e përsëritura të vdekjes së të burgosurve për shkak të sëmundjeve të rënda duhet të zgjijë alarm te institucionet e Kosovës, përkatësisht te Ministria e Shëndetësisë dhe Ministria e Drejtësisë që të marrin veprime të menjëhershme në mënyrë që të mbrohet jeta e personave të privuar nga liria për faktin se që nga vendosja e tyre në këto institucione pêrkujdesja dhe përgjegjësia bjen mbi këto ministri. Rastet e shpeshta të vdekjes së të burgosurve duhet të zgjojë nga gjumi gjykatatat që trajtojnë këto raste aq më parë që kemi të bëjmë me të burgosur me sëmundje të pashërueshme apo në moshë të pleqërisë së thellë. Këto raste duhet të trokasin edhe në ndërgjegjen e presidentes e cila, ndonëse ka të drejtë ekskluzive ligjore dhe kushtetuese deri më tani nuk ka falur asnjë të burgosur që nuk ka ndodhur as në regjimet më diktatoriale.
Nëse të burgosurit, për shkak se kanë rënë në kundërshtim me ligjin duhet të dënohen kjo nuk nënkupton se ata duhet të privohen nga të drejtat e njeriut të personave të privuar nga liria dhe nga mëshira e shtetit, që në raste të caktuara duhet të zbatohet.
E drejta për jetë dhe shërbime cilësore shëndetësore është e drejta kryesore e njeriut dhe mbi këto ngriten të gjitha të drejtat tjera. Shërbimi Shëndetësor i burgjeve nuk ka kapacitete profesionale e as të tjera të trajtojë rastet e rënda ndërkaq që përgjegjësia për vdekjen e të burgosurve adresohet te ky shërbim, pa asnjë arsye dhe të drejtë. Për rastet e rënda, Shërbimi Shëndetësor i burgjeve mvaret nga Forenzika Psikiatrike apo QKUK sikur edhe nga Spitalet Rajonale që kanë kapacitet pranues shumë të reduktuar për pranim të të burgosurve sikur që për rastet me rrezikshmëri të lartë duhet një sigurim shtesë gjatë transportit dhe qëndrimit në institucionin shëndetësor. Gjykatat përkatëse shpërfilkin skajshmërisht kërkesat e Shërbimit Shëndetësor të burgjeve për rastet me diagnozë terminale apo shkaku i pleqërisë së thellë andaj edhe kemi raste të shpeshtuara të vdekjes së të burgosurve.
Prandaj, KMDLNj, duke trajtuar të drejtat e njeriut nga parimi i universalitetit dhe si të pandashme shpreh shqetëdom të thellë për vdekjen e të burgosurve për shkak të angazhimit të pamjaftueshëm të Ministrisë së Drejtësisë që e ka nën përgjegjësi Shërbimin Korrektues të Kosovës dhe Ministrisë së Shëndetësisë që ka nën përgjegjësi Shërbimin Shëndetësor të burgjeve.
KMDLNj ftonë Komisionin Parlamentar për të Drejtat e Njeriut që me urgjencë të trajtojë këto raste sikur që, në bazë të mandatit që e ka t’i vizitojë të burgosurit me gjendje të rëndë shëndetësore dhr pleqëti të thellë për faktin se atyre po u mohohen të drejtat elementare të njeriut, e drejta për jetë dhe shërbime shëndetësore sikur që Ligji për Ekzekutim të Sanksioneve Penale po zbatohet në mënyrë selektive.”, thuhet në reagim./04 Online
