Kryetari i Partisë Demokratike të Kosovës, Memli Krasniqi, ka akuzuar Qeverinë e udhëhequr nga Lëvizja Vetëvendosje dhe Albin Kurti për mashtrim e degradim në trevjetorin e emërimit të saj, raporton Gazeta Sinjali.
Përmes një videoje të postuar në rrjetin social Facebook, Krasniqi ka përmbledhur “disa nga aferat dhe skandalet e Qeverisë Kurti 2 në këto tre vjet”.
Krasniqi ka thënë se, mbi të gjitha, këto tre vjet kanë shpërfaqur natyrën mashtruese të kryeministrit Kurti dhe kabinetit të tij, “duke u sjell shumë dëme shtetit dhe qytetarëve”.
“Tri vjet degradim – korrupsion – nepotizëm.
Tri vjet keqqeverisje – izolim – frikë.
Tri vjet mashtrim!”, shkroi ai.
