Kandidati për kryetar të Prizrenit nga Aleanca për Ardhmërinë e Kosovës, Besnik Krasniqi, ka theksuar rëndësinë e rolit të grave në biznes dhe zhvillimin e qytetit, duke përmendur zejtaret femra si pasuri të jashtëzakonshme, shkruan 04 Online.
“Zejtaret femra janë pasuri e jashtëzakonshme e qytetit tonë,” ka deklaruar Krasniqi.
Ai ka thënë se Miranda Oreshka është një shembull frymëzues.
“Miranda Oreshka është shembulli më i mirë i vendosmërisë dhe kurajos së gruas prizrenase në biznes. Me punë, pasion dhe përkushtim ajo ka ndërtuar një histori suksesi që frymëzon të gjitha gratë e qytetit tonë.”
Krasniqi ka theksuar se “ne zotohemi që do t’i mbështesim fuqishëm gratë në biznese, sepse zhvillimi i Prizrenit kalon përmes duarve dhe vizionit të grave të tij.”
