Kandidati për deputet nga PDK-ja, Xhemshit Krasniqi ka vazhduar me aktivitetet elektorale për zgjedhjet e 9 shkurtit ku ka takuar disa mësimdhënës në komunën e Prizrenit.
Krasniqi para të pranishmëve ka thënë se sektori i arsimit do të mbështetet nga qeveria e ardhshme me në krye Bedri Hamzën kryeministër.
“Mësimëdhënësit kanë një rol të jashtëzakonshëm dhe të shumëanshëm në procesin e arsimit dhe edukimit, duke qenë figura kyçe në zhvillimin intelektual dhe mësim nxënies.
Kjo kategori nga PDK në çfarëdo niveli të qeverisjes, është trajtuar duke pasur synim ngritjen e dinjitetit dhe mirëqenies së tyre.
Pa dyshim këtë mbështetje do ta kenë edhe me Kryeministrin e ardhshëm Bedri Hamza.
#XhemshitKrasniqi87“, ka thënë Krasniqi.
Krasniqi ka vazhduar takimet edhe me disa bashkëluftëtarë dhe veteranë të UÇK-së dhe ish të burgosur politik në komunën e Podujevës.
“Sot, pata nderin dhe kënaqësinë të takoj disa bashkëluftëtar e Veteranë të UÇK-së dhe ish të burgosur politik në Podujevë.
Çdo moment i kaluar me ta është një Vlerë e shtuar dhe një dëshmi e krenarisë për sakrificat tona.
Respekt dhe mirënjohje pa kufij për heronjtë tanë të lirisë!
#XhemshitKrasniqi87“, ka thënë Krasniqi.
