Kombëtarja e Kosovës në futboll do ta zhvillojë sonte ndeshjen e radhës në kuadër të Ligës së Kombeve.
Në stadiumin “Fadil Vokrri”, dardanët do ta presin skuadrën e Qipros nga ora 20:45, shkruan Gazeta Express.
Dueli i parë u mbyll me fitore bindëse 0:4 nga Kosova, e njëjtë pritet të ndodhë edhe sonte.
“Dardanët” janë favorit absolut në letër dhe njëjtë pritet ta tregojnë edhe në fushën e blertë.
Pas fitores ndaj Lituanisë tri ditë më herët, atmosfera duket të jetë e mirë në kamp, ndërsa do të mungojë mesfushori Elvis Rexhbeçaj për shkak të kartonëve.
Momentalisht, Kosova ka gjashtë pikë në vendin e dytë në grupin 2 në Ligën C, tri më pak se Rumania që prin.
Në anën tjetër, Qipro është në pozitën e tretë me tri pikë, falë një fitoreje minimale ndaj Lituanisë në xhiron e parë.
Gjatë nëntorit, Kosova do t’i luajë edhe dy ndeshjet e fundit të këtij cikli, teksa do ta presë Lituaninë dhe udhëton për t’u përballur me Rumaninë.
