I dërguari Special i BE-së për dialogun Kosovë-Serbi, Miroslav Lajçak, ka postuar një foto nga Forumi Ekonomik Delphi në Greqi së bashku me Të Dërguarin e SHBA-së për Ballkanin Perëndimor, Gabriel Escobar.
Escobar dhe Lajçak janë të dy të pranishëm në këtë Forum dhe në foton e postuar shihen duke darkuar bashkë, fakt i cili lë të kuptohet se dialogu Kosovë-Serbi mund të ketë qenë temë e diskutimit.
“Nisim forumin Delphi me një darkë pune me Escobar sonte. Kishte shumë për të folur dhe për të informuar njëri-tjetrin”, shkroi Lajçak në Twitter.
Ndryshe, në këtë Forum është i pranishëm edhe kryeministri i Kosovës, Albin Kurti.
