Kandidatja për Kuvendin Komunal të Prizrenit nga AAK, Nazife Kokollari – Tahiri, ka shprehur mirënjohjen e saj për pjesëmarrjen dhe mbështetjen e banorëve të lagjes “2 Korriku” në tubimin e mbajtur sonte në objektin e SHFMU “Lekë Dukagjini”, shkruan 04 Online.
Ajo ka theksuar se pjesëmarrja e qytetarëve në këtë aktivitet ishte dëshmi e unitetit dhe vullnetit të fuqishëm për ndryshime pozitive në Prizren.
“Pjesëmarrja, mbështetja dhe besimi juaj janë forca ime më e madhe për të vazhduar rrugën drejt ndryshimeve që të gjithë i dëshirojmë. Ky tubim tregoi unitetin dhe vullnetin e fuqishëm të lagjes sonë për një të ardhme më të mirë.”, ka deklaruar Kokollari – Tahiri.
