Dy klubet e karatesë nga Prizreni, KK “Komandant Drini” dhe KK “Eagle” kanë përmbyllur përgatitjet tre ditore në Tale të Shqipërisë.
Nën mbikqyrjen e trajnerit Muhamet Kolgeci nga KK “Komandant Drini” dhe trajneres Elona Kolgeci nga KK “Eagle”, karateistët e të dyja klubeve kanë shkëmbyer përvojat e tyre.
Qëndrimi në Tale të Shqipërisë i karateistëve nga Prizreni vjen pak ditë para fillimit të garave kombëtare, ku përveç garuesve që kanë marrë pjesë në garat e kaluara, pritet edhe debutimi i karateistëve të ri, të cilët konsiderohen si shpresa të këtij sporti./04 Online
